إعداد : سعيد قدوري
استضاف البرنامج الحواري “دردشة مع المنتخبين” رئيس جماعة أولاد ستوت، سعيد التومي، والذي تم فيه التطرق لمجموعة من النقط المثيرة لتساؤل المتابعين للشأن العام بالجماعة.
وحاول البرنامج، رغم قصر مدته، أن يسلط الضوء على أكبر عدد ممكن من هذه النقط، والتي كان من أبرزها المنطقة الصناعية بأولاد ستوت، ومشروع مركز الجماعة وبناء مقر جديد لها خارج مدينة زايو.
اللقاء شكل فرصة للحديث عن المجال الترابي لأولاد ستوت والتهديدات من مافيا العقار باقتطاع مساحات عقارية وضمها إلى جماعات أخرى، خاصة الجماعة الحضرية لسلوان.
ومن المواضيع التي استأثرت بنقاش مهم في البرنامج، موضوع “المقبرة” التي كان مزمعا إنشاؤها بشراكة مع جماعة زايو، حيث شرح الرئيس سعيد التومي بالتفصيل حيثيات هذا المشروع.
السي سعيد التومي احسن رئيس فالجهة الشرقية
سي سعيد التومي من الرؤساء لي نادرا ما نشوفوه كيتجول فجماعة اولاد ستوت وكيسول على معاناة المواطنين ويتقرب منهم
سي سعيد دائما راه داخل المجال الحضري وخاصة فالمقهى..
حتى من المكتب ديالو تقريبا ديما مسدود
وهذي نقطة سلبية كنسجلوها على سعادة الرئيس
وبغيت نضيف واحد النقطة وبغيت سعادة الرئيس يوصلو هاد التعليق باش إزيد يتقرب منا حنا ساكنة جماعة اولاد ستوت حنا لي وضعنا فيه التقة وفوقت الانتخابات كنخرجو باولادنا بعائلاتنا باش نمشيو نصوتو على الحزب ديالو
فالاخير كيواجهنا سعادة الرئيس بالتجاهل وبالرجل على رجل فالقهوة
سعادة الرئيس كاين شحال من دوار قريب بزاف من المدينة لكنه مهمش كل التهميش خاصة دوار اولاد المغراوي خاصة السكتور10 ودوار اولاد البوريمي
الطرقان في حالة يرثى لها
الما الصالح للشرب ماوصلش للديور
الإنارة العمومية شبه منعدمة من غير بعض الساكنة لي دايرين بولات حدا ديورهم
علاش زعما هاد الإقصاء ؟
واش عندكم شي حد ماحاملينوش فهاد الدواور ؟
واش مابغيتناش نزيدو نصوتو عليكم ؟
واش حتى انت بحال الاخرين كتعطي الوعود وماكتوفيش بهم ؟
عطيتنا وعود على انك تقاد لينا الطرقان
راحنا كنعانيو كل شهر راحنا نبدلو فالبناوات والمورتيسورات
عيب وعار اسعادة الرئيس
جماعة اولاد ستوت مافيهاش غي الجهة الغربية كما قال سي سعيد قدوري الله يحفظو
الجهة الشرقية ديال جماعة اولاد ستوت راها مهمشة ومازال راها فالستينات من القرن الماضي
حتى من الإنارة العمومية فالطرق الرئيسية لي تابعة لجماعة اولاد ستوت والو منعدمة
سواء طريق بركان او طريق الناضور او طريق فرحية او طريق حاسي بركان
غير كنخرجو من المجال الحضري مباشرة كنلقاو الظلمات والتهميش وغياب التشوير
السيد الرئيس من 2015 وانت مشغول غير مع دوار عين الذيب
مزيان ممتاز تحل مشكل بحال هذا ولكن ماتنساش ان الوقت ماكيرحمش
وبغينا مانتفكرو عليك
وبغينا كذلك نشوفو ان تمارة لي كنضربوها معكم فالإنتخابات لله فسبيل وربي شاهد بغينا عليها شوية ديال المكافأة وبغينا نشوفو اهتمامكم بدواوير الجماعة وبغينا نشوفوك بناتنا
واش فخباوك بلي معظم ساكنة جماعة اولاد ستوت ماكيعرفوكش ؟قسمًا بالله العلي العظيم إلا الاغلبية ديال الساكنة ماكيعرفوكش غير كيسمعو عليك
علاش ؟ لانك ديما محشي فالقهوة ومعظم اهتمامك منكب على الجهة الغربية ديال جماعة اولاد ستوت
سعادة الرئيس خاصك تعرف ان دوار اولاد المغراوي راه في تراجع مستمر لا طريق لا ما لا إنارة
وكذلك اولاد البوريمي دواوير تعيش التهميش بكل ما تحمله الكلمة من معنى، إلى متى سعادة ألرئيس ؟؟؟؟