بقلم عادل عسراوي
حنا عايشين فمدينة زايو ، اللي هي مدينة محافظة ، تقليدية و عصرية، قاري و ماقاريش، كيليميني و ولد الشعب، أمازيغي و عربي و ريفي، ستوتي. كبداني،قلعي،بوحياوي، وكيلي.. عايشين “فلوماغوك” بلد أكبر براد ، بلد أكبر كراطة…
هاد التفاوت الطبقي، العرقي، الاجتماعي، الاخلاقي.. ، اللي خلى زايو بمثابة عصير باناشي كاتلوح فيه كاع الفواكه ديال الثلاجة اللي شكيتي فيهم قربو يخسرو، بالتالي تخيل معايا هاد الوسط القوس قزحي يتجمع فمكان واحد وفشارع واحد؟
كيفاش غادي يكون نوعية السلوك الممارس أو نوعية الثقافة السائدة ؟
متفقين جميعا أن أكبر تجمع لساكنة مدينة زايو هو “شارع الحب” ، و الاسم الرسمي هو شارع الزلاقة.. جات هاد سمية نسبة للمعركة الشهيرة لإستطاع فيها يوسف ابن تاشفين قائد المرابطين إلحاق هزيمة كبيرة بجيش قشتالي الاسباني بقيادة انلفونسو السادس ، و المفارقة العجيبة فالموضوع كنتخيل يوسف ابن تاشفين يسركل شي نهار فشارع لي تسمى بإنجاز هو صاحب الفضل فيه و للمسلمين جميعا و يشوف كيفاش أصبح حال المسلمين.
شارع الزلاقة غادي يتسمى من جديد من طرف مكبوتي الشعب.. شارع الحب أو شارع النساء ، شارع السمكة و المئة صياد .. شارع أعوذ بالله.. و لكن الاسم المشهور هو شارع الحب. قبل منسرد باقي الموضوع خليوني نأكد على 3 الحوايج كركيزة أساسية للموضوع ، أولا الواقعية يعني سبقلي عشت و شفت ماشي عاودولي ، ثانيا فكرة التعميم مكيناش مكنتهجم على حد أو ندافع على جهة معينة ، ثالثا معالجة الموضوع قدر المستطاع عبر كشف مظاهر سلبية من المجتمع و إعطاء حلول مناسبة.
قريبا غادي يدخل علينا شهر رمضان المبارك و الصيف ، تسونامي غادي يضرب شارع الحب 35 ألف نسبة مجوعة فشارع واحد بنادم كيف ما قلنا سابقا من مختلف الاتجاهات يتجمع فيه و تخيل معايا كيفاش يكون سلوك الفرد اللي كيتمثل فشريحة معينة وبدون تعميم ، سطرولي هنا على “شريحة معينة ” كنقصد داك الشخص اللي معندو شغل أو مشغلة من مور العصر حتى الليل هو غادي جاي بطوموبيل أو شي قزديرة و معاه صحابو بحال راهم فحملة إنتخابية كيوزعو أرقام الهاتف في الانتظار الصيد الوفير .. ، كنقصد أيضا هادوك النوع من البنات مسهلات الطريق اللي كيغطيو عيوبهم بمساحيق التجميل الرخيصة .. و اللي كتبيع أخلاقها و دينها بمقابل دنيوي بخس .. و اللي كطيح فشبكة الكلام المعسول أو مظهر خداع و تبدي إستجابة سريعة بتبادل الاسرى ههه (ارقام الهاتف و الواتساب) .
غرائب و أسرار شارع الحب كيحكيولي بعض الاصدقاء، عبد الرزاق كيقول على لسانه ” شارع الحب كيعمر بزاف خاصة فرمضان و الصيف صراحة إنفلاتات بالجملة فغياب تم للأمن و دوريات الشرطة .. يكفيك إشارة حمراء من سيارة تصيد لي بغيت وخ تكون كتصلي فوق هيضورة السبع أما واحد نوعية من المحجبات فحدث و لا حرج “.
كيأكدلي أيضا محسن “البنت لي كتمشي لشارع الحب معرضة لكل أشكال التحرش وخ تكون مخطوبة أو حتى متزوجة.. كنعقل واحد النهار من رمضان الماضي واحد السيدة رفقة شي بنات فيدها ميكة فيها معدنوس أو قزبر مهم وقفت عندها واحد سيارة قالها بالحرف تبارك الله عليك آلمعدنوسة ديالي.. فبلاصة ديك السيدة قتلو أنا متزجة يا لحمار يا لفاعل يا تارك.. و من الصدف أحد أقارب السيدة كان قريب و جا لعين المكان و دخل مع مول السيارة فضرب و الجرح و الكوميساريات مهم فتنة و صافي ”
و كيقول عبد الله ” شارع الحب كتكثر فيه المعاكسات و التحرش وسط الزحام و كيحرص الشباب على اقتناص الفرص و الفتاة الجميلة هدف الشباب اللي كيتصارعو باش يوصلو ليها ”
كتحكيلي أيضا غزلان و كتقول: ” التحرش كيكثر خاصة فرمضان فشارع “الحاصر ” باش تقضي شي غرض ما هي و ما لونها كندوز بكشايف.. أما حتى الى سهيت فشي مشكل حتى كلقى راسي كنشوف فشي دري و تم سير قنع الحاج طوم كروز بلي غي سهيت .. كتبدي عميلة المطاردة حتى الباب الدار ”
بعيدا عن هاته المظاهر السلبية للشارع ،خليوني نعبر ليكم شوية على الشق الثاني من مصطلح شارع الحب، خليوني نهضر على الحب والرومنسية اللي فيا، خليوني نفضفك ليك على المعنى الحقيقي ديال الحب ، راه منين كانقول للواليد عاود ليا كيفاش حتا حبيتي الواليدة ، ماكانعرفش منين كاتجي واحد التصرفيقة مباغتة، متبوعة ب”نوض عمر البوطة”، ( الكبيرة أعيباد الله!!! ) ،واش نتفركع أنا مثلا ؟ حنا فمجتمع ما كايكرسش كلمة “حب” أولا عبارة ” كانبغيك أ سوزانا” (تحية للمغني)، حنا شعب يقدس مفهوم المعيور والنگير ويدخله في صندوق الرومانسية بين الزوجين، ملي “باك” كايقول ل”مك” : “درتي ليا الطلامس تا تزوجتك”، “صيدتيني بكري العفريتة ملي كنت نية” واش هادي ماشي رومانسية بطابع “النكير على النبوري”؟؟ .. كانسمع الواليدة مخاصمة معا الواليد و كاتغوت من الكوزينة : “24 عام وانا معاك عمرك جبتي ليا شي شرويطة! شي نهار نهز باليزتي و نخوي ليك هاد الدار ” يليها صوت طبسيل مفرشخ،
بالتالي هاد الخلل اللي كنشوفوه فشارع الحب مجاش غي هاكاك صدفة ، أكيد من موراه أسباب ،حنا شعب معارفش كيفاش يجسد الحب الحقيقي و يعيشو بمعناه الحقيقي.. زيد غياب الوازع الديني عند الفرد ، و تأخر سن الزواج ، و ايضا البطالة و المخدرات.. الخمور ، و زيد سبب مهم هو الاعلام و مصايب لي كيديروه المسلسلات و الافلام .
الى جينا نهضرو على الحلول كنشوف ضروري ما دخل الاسرة و خاصة الوالدين باش يلعبو دور الرقابة و توجيه و ايضا الردع من طرف الأمن .. كمثال هاد رمضان و الصيف ضروري يكونو دوريات على طول الشارع و الاماكن المزدحمة .. زيد ايضا مسؤولية الدول فالحد من البطالة باش شبابنا يتزوجو و كذلك القنوات ينقصو من المسلسلات و الافلام . و خطباء الجمعة حتى هما خصهم يساهمو من موقعهم بالارشاد و ترسيخ الوازع الديني فنفوس ديك الشريحة لي هضرنا عليها .. الله يهدي الجميع و بالشفاء العاجل لمعاقي الفكر لي كيشوفو فالبنت سلعة صالحة الى غاية تاريخ معين أو قطعة لحم .. و اللي كتشوف فدري قضاء مصلحة معينة أو شارجيلي تيليفون .
حساب الكاتب على الفيسبوك : www.facebook.com/adoola
نعم هناك بعض النقاط صحيحة … لكن الطريقة التي سلكها الأخ في التعبير عنهــا كانت خاطئـة ومنحطــة … لاسيما توظيفه بعض الكلمات الشارعية إن صح التعبيــر
قل خيرا او اصمت اول مرة كنقرا مقال فيه كل الحقائق صراحة داكشي لي كيوقع فشارع الزلاقة بزااف على تقاليدنا و عاداتنا و ديننا الله يهدي ما خلق و مدزنيش الفرصة نشكر صاحب القلم الجريئ و بوابة زايو سيتي
iina hanout hahahah
al3ibe fanase li kaykhaliwe nesahom yamchiwe fama
je suis totalement d accord avec l écrivain il a bien décrit le scénario en tt petite détails c ça vraiment qui se passe chaque mois sacré surtout en coïncidence avec l été
عَنْ ابْنِ مَسْعُودٍ عُقْبَةَ بْنِ عَمْرٍو الْأَنْصَارِيِّ الْبَدْرِيِّ رضي الله عنه قَالَ: قَالَ رَسُولُ اللَّهِ صلى الله عليه وسلم “إنَّ مِمَّا أَدْرَكَ النَّاسُ مِنْ كَلَامِ النُّبُوَّةِ الْأُولَى: إذَا لَمْ تَسْتَحِ فَاصْنَعْ مَا شِئْت” . رَوَاهُ الْبُخَارِيُّ.
هذا الحديث في بيان فضل خلق الحياء وبيان أثره. وفيه مسائل:
الأولى: في قول النبي صلى الله عليه وسلم: (إن مما أدرك الناس من كلام النبوة الأولى) دليل على أن الجملة الواردة هي من مأثور كلام الأنبياء السابقين من غير تحديد نبي معين وهذا مما يرويه العامة عمن سبقهم صاغر عن كابر ولكن النبي صلى الله عليه وسلم أيده بالوحي المصدق فنؤمن بثبوته وما سواه مما اشتهر حكايته عن الأنبياء فلا حرج في ذكره ولكن لا نجزم بثبوته أو نفيه إلا ما خالف الشرع كما رخص النبي صلى الله عليه وسلم في حكاية أخبار بني إسرائيل وقد درج أهل التأريخ والمفسرون على حكاية أقوال وأخبار السابقين فلا حرج على الواعظ حكاية القصص والحكم من باب الاستئناس ما لم تخالف شرعنا المحكم.
الثانية: في قوله: (إذا لم تستح فاصنع ما شئت) قولان لأهل العلم في تفسيرها:
الأول: أنه ليس على سبيل الأمر وإنما هو على سبيل الذم والنهي عنه ولهم وجهان في تفسير هذا القول: أحدهما: أنه أمر بمعنى التهديد والوعيد وله نظائر في القرآن قال تعالى: (اعملوا ما شئتم إنه بما تعملون بصير). والمعنى إذا لم يكن عندك حياء فاعمل ما شئت والله مجازيك على فعلتك. ثانيهما: أنه أمر بمعنى الخبر والمعنى: من لم يكن عنده حياء فعل كل ما يستنكر ومن كان عنده حياء منعه عن كل قبيح كما جاء في الحديث: (من كذب على متعمدا فليتبوأ مقعده من النار). أي فقد تبوأ مقعده. وهذا اختيار الإمام أحمد وكلا الوجهان جائزان في اللغة إلا أن الثاني هو الأقرب والأكثر استعمالا. والقول الثاني: أن الحديث أمر على ظاهره يفعل المؤمن ما يشاء من قول وتصرف إذا كان لا يستحي من فعله عادة لا من الله ولا من خلقه فيفعله ولا يضره كلام الناس إذا كان من أفعال الطعات وجميل الأخلاق. والقول الأول أصح في تفسر الحديث لأن المقصود التنفير والتحذير من ترك الحياء وبيان أثر ذلك في أخلاق المؤمن.
الثالثة: الحياء من شعب الإيمان له فضل عظيم وهو عمل قلبي يبعث العبد على فعل الجميل وترك القبيح من منكر ودنيء فكل ما أفضى إلى ترك السوء وفعل الحسن فهو من الحياء المحمود شرعا أما ترك الأمر بالمعروف والنهي عن المنكر وترك السؤال عن مسائل العلم و السكوت عن بيان الحق فهذا ضعف وخور وليس من الحياء وإن ادعاه الناس ولذلك قالت أمنا عائشة رضي الله عنها: (نعم النساء نساء الأنصار لم يمنعهن الحياء أن يتفقهن في الدين). فكل ما أدى إلى ترك الحقوق والتساهل فيها فهو عجز ومهانة والضابط في تمييز الحسن والقبيح دلالة الشرع وليست أهواء الناس وأعرافهم الفاسدة. ومن تمام الحياء أن يدع المرء ما يستهجنه قومه مما سكت عنه الشرع لأنه من المروءة. ومن علامة الاستحياء أن يتجنب المرء المواطن التي يستحيا منها.
Ana 3ayach bara wald zaio kanjiw fsif dim katchkali madame dyali bhad chari3 man ta7aruch dyal chi slagat khas darori tbdel 39liya o bolice ydiro omkhdemthom o chukran si Adil 3la sujet courage khoya et mrc zaiocity
طيرني مول هاد المقال ههههههه فيه القاصح بزاف ..
غي ديك غزلان قولها تخرج بلا ماكياج باش يشوفو الجمال الطبيعي ويبعدوك ونعطيك 100% مغاتعرضيش للتحرش ههههههههههه
زايوسيتي مادام كيعالج النص بطريقة منحطة .. خاص تنشري هاد التعليق باش تشوفو غزلان
TSUNAMI FAMILY
Motafi9 m3a alkatib
ana wald zaio
trabbit fzaio kan yamakan
daba dakhlo almofsidin lablad
انحطاط هو لي كنشوفوه فشوارعتا و الواقع هو هذا و صاحب المقال عالجه بطريقته و ستيل خاص به كنظن حنا فحاحة لمثل عاته المقالات “فيها القاصح” يعني الحقيقة المرة بلا زواق بلا نفاق ..متعلقة فيما يخص السياسة المحلية و مشكل العقار في المدينة كنظن يجب كشف الستار علئ هكذا قضايا و شكرا
اتاسف لمشاههدة مقالات منحطة باسلوب زنقوي يخل بادابب الكلام…. انصح زايوسيتي بعدم نشر مثل هذه المقالات ديال جوج فرنك
كل ما قيل عن شلرع الزفة صح لان هناك بعض اشباب عديمي لخلق يتحرشون بفتاية وامهة وينسون اخواتهم و امهاتهم كما تدين تدان اااا
Lwahed Libre ydir Li bgha mé rah f mojtama3 khasu chwiya I7tiram li kayw9a3 f chari3 zla9a fayat 7odod
o lah yahdi makhle9 Bien Dit Si Adil rak dér Style zwin 3jbatni Darija saraha Mrc 3la Aricle
Hahahah ana sakna fchari3 lhob kaynin chi mackakil bhal hadok walakin machi hta lhadik daraja ga3 Ah chkoun li dar had lma9al Hahahahahha
انا بعد راني نحسف قريب بزاف والهراج والفتنة يا لطيف نتمنى ايجي رمضان وحنا في هدوء كما كنا هاذي شحال يا ريت