اولا وقبل كل شيء شكرا جزيلا لزايوسيتي على المواكبة ديالها لكل ما يخص الشأن المحلي من مبادرات وأنشطة وحوادث و و و، و دائما حاضرة ، وثانيا خاصكوم تعرفو أن من أكبر الأخطاء لي كيرتكبوها هاد الناس هي الطريقة باش كينقيو الساقية أنا دائما كنقولها راه الوسخ والمتلاشيات لي كيحدو من الساقية كيحطوهم غي تما يعني أبسط حركة غادي ترد داك الوسخ للساقية، ممكن غي شويةد الرياح ممكن إلا داز غي شي حيوان أو إنسان غادي ينزل هاد الوسخ، والطامة الكبرى هي أنهم في غالب الأحيان كيحطوه فجانب الطريق، كيف يعقل انك تشطب ساقية وتوسخ الطريق وتشوهو، عيب وعار، خاص شوية ديال المسؤولية وشوية ديال الإتقان الله يرضي عليكم، راه حنا الفلاحة لي كنخلصو هادشي كلو إذن بغينا خدمة نقية إجيبو شاحنات يرميو الوسخ للبعيد مايوسخوناش الطرقان، ناهيك عن الرائحة في بعص الأحيان والناموس و و و و
كان من المفروض على سي حميد يهدر على هاد النقطة، والله إخليكم نشرو هاد التعليق ديالي باش ربما توصل الفكرة للناس المسؤولين على هاد القطاع ومايوسخوناش الطرقان، راه اتفقنا حنا الفلاحة ملي إجيو إنظفو باقي قنوات الري لي كتدي الما للضيعات غادي نمنعوهوم ونتجمعو تما حتى يحضرو المسؤولين ويجيبو شاحنات لي إهزو فيهم داك الوسخ مايحطوهش فالطريق باش إخليو الطريق نقية وباش مايرجعش عاوتاني للساقية .
عيب وعار واش حنا غانبقاو ديما هاكا مانتقدموش ؟
احترمونا شوية راحنا عيينا مانحشمو، راحنا واعيين وفاهمين إلا شفتونا ساكتين راحنا فقط كنحتارموكم ماشي خايفين، لكن صافي وصلات للعظم، ماتوسخوناش الطرقان رجاءا .
ماتخليوناش نكبروها وخليونا معاكم فالتيقار .