زايوسيتي
ستشهد جماعة أولاد ستوت، يوم الثلاثاء 04 فبراير المقبل، انعقاد الدورة العادية لشهر فبراير، ابتداء من الساعة العاشرة صباحا، وذلك لمناقشة تسعة نقط وردت في جدول الأعمال، ومنها نقط تتعلق بهدد من اتفاقيات الشراكة.
وتتعلق النقطة الأولى من جدول الأعمال بدراسة المشاكل المتعلقة باستخلاص الباقي استخلاصه. والثانية بالدراسة والمصادقة على شعار الجماعة. فيما تتعلق الثالثة بالمصادقة على اتفاقية شراكة تتعلق باقتناء وتسيير سيارتين في قطاع التمدرس.
وفي النقطة الرابعة سيتم التصويت على إلغاء مقرر المجلس الذي يهم اتفاقية شراكة مع اتحاد جمعيات غرب جماعة أولاد ستوت. وفي الخامسة المصادقة على عقد اتفاقية شراكة مع إحدى الجمعيات لتدبير وتسيير حافلات النقل المدرسي. أما النقطة السادسة فتتعلق بعقد اتفاقية شراكة مع جمعية لوطا للفروسية التقليدية.
وسيقوم المجلس في النقطة السابعة برمجة ما تبقى من الفائض التقديري برسم السنة المالية 2020. وفي الثامنة برمجة الفائض الحقيقي برسم السنة المالية 2019. وفي النقطة الأخيرة سيتم التصويت على توزيع المنح على الجمعيات برسم سنة 2020.
يا ريت لو ان الجماعة تهتم شوية بالمسالك الطرقية القروية والإنارة العمومية ، راه الطريق هو الشريان ديال الجماعة ، الله يرضي عليكم اهتموا شوية بالفلاح راه بلا به اقسم بالله حتى تبقاو بالجوع ، ملي كنشوفو شي جماعات أفقر بكثير من جماعة اولاد ستوت كنشوفوها مقادة و مصاوبة والله العظيم كتجينا الغيرة ، اما هادشي لي مبرمج لهاد الدورة اقسم بالله انا بعدا ماقشعت فيه والو ، خاصنا المعقول والملموس سيدي الرئيس ، عيينا من الشعارات والوعود الزائفة وسياسة كور واعطي للعور ، وسلك وعدي و و و …
المعقول المعقول الله يرضي عليكم ، والسلام عليكم .
تفكروا شوي في جماعة بني وكيل واولاد مهلهل راه الأمور ماشي في المستوى خاصتا النقل المدرسي وانا اعتقد ان السيد الريس هو رجل تعليم ويعرف هذه الأمور جيدا وشكرا
جوابا علي السيد الغيور على بلدته.في اطار الحق في المعلومة يمكنك الاتصال بادارة الجماعة لتطلع على ما قامت به الجماعة وعلى ما هو مبرمج .تحدثت عن المسالك.الجماعة على مدار السنة تقوم ياصلاح ما يفوق 50كلم من المسالك.وهي تعمل عل مشروع بناء وتعبيد مجموعة من الطرقات على مسافة تفوق 22كلم.
بالاضافة الىى ما تم بناؤه مؤخرا .طريق حرشة الرويمي .طريق مولاي علي.طريق لقليعة.بالضافة الى الاصلاحات…..والحديث يطول اما بالنسبة للكهرباء في جماعة اولاد ستوت فان نسبة التغطية تفوق 98% .
كان عليك.اخي عوض الانتقاد الخاوي.تقديم اقتراحات بناءة قد يؤخذ بها للسيروالى الامام ………
كيف يعقل ان الجماعة عندها فاءض في الميزانية ومداخل جيدة واكتر من 80 في الماءة لا يتوفرون على الماء الصالح للشرب
ردا على السيد الستوتي :
سيدي الفاضل ، جماعة أولاد ستوت مافيهاش غا حرشة الرويمي وطريق مولاي علي ، واش فخبارك أن جماعة اولاد ستوت هي من أكبر الجماعات فالمنطقة من حيث المساحة ؟ وانت كتهدرلي على 2 طرقان ، أنا لا انكر ما قامت به الجماعة مشكورة على كل مجهوداتها واخا هو بالمقارنة مع تطلعات الساكنة كيبقى داكشي ضئيل وضئيل جدا ، اما حديثكم عن الإصلاح لي قامت به الجماعة لمجموعة من المسالك قبل عامين على ما اظن سير شوفها دابا كيراها دايرة ، داك الإصلاح أصلا مافهمنا فيه والو قالك أسيدي نعطيو الآليات 12 يوم لكل مرشح ، إلا باغي بصح تصلح الطرقان أعطيهم الوقت الكافي لكل مرشح راه كاين دواور لي فيهم طرقان بزاف ومسالك تعد بالعشرات ، كيغايدير هاد المرشح إدوز عليهم كاملين ؟
سير هبط لصبرا ودخل عبر المسالك لي كتأدي للضيعات الفلاحية وآجي جاوبني الله يرضي عليك ، وحاجة ثانية راه كاين فرق كبير بين الإنارة العمومية وتزويد الدواوير بالكهرباء ، أنا هدرت على الإنارة العمومية أشريف ، أما الكهرباء ولله الحمد مستافدين منو هذي سنين وسنين ، وهذا ماشي انتقاد خاوي وبحالك أنت لي خلاو المغرب متأخر ، أي حاجة تجيهوم انتقاد خاوي ، وباش تكون أنت على خاطرك خاصني نطبل لك ولسيادك ، أنا بصفتي كفلاح عندي مشكل فالطريق والإنارة العمومية ، ومن حقي نهدر على هادشي ، و من المفروض أي تجمع سكني خاص إكونو فيه الطرقان مقادين والإنارة متوفرة ، أنا كنهدر وبكل حرقة ماشي باش تجي أنت تقولي انتقاد خاوي ، وبلا ماندخل معاك فالتفاصيل ونقولك شكون أنا وشحال عندي ، لأنني أنا كنعرف أننا حنا كلنا سواسية وحنا الفلاحة سواء كنا كبار ولا صغار خاص الجماعة تعطينا شوية ديال القيمة ( بلا مانهدر على الدولة والوزارة ، كيف يعقل أن الجماعة لي من المفروض تكون فجنبنا وهاملانا فين عاد الوزارة ) ، راه حنا لي معيشين المدينة بعد الله تعالى ، حنا السبب ، حنا لي كنضربو تمارة ، حنا لي كنصهرو ، حنا لي ديما مشطونين ديما حاضين الما والشتا ، زيد عليها الصيار ديال الما وديال المبيدات وديال الخدامة و و و و و ، باش تجيك أنت حتى لباب دارك ونهار نهدر تقول علي منتقد خاوي .
اما ماهو مبرمج لحد الآن ما هو إلا حبر على ورق ، سياسة التسويف ماعندنا مانديرو بها ، خاصنا الملموس اسيدي .
على العموم ، جزاك الله خيرا يا أخي ، خلاصنا و خلاصكم عند الله .
السلام عليكم .
بلا ما نسى زايوسيتي لي كتفتح لينا باب دارها أقول لكل أفرادها شكرا شكرا شكرا لكم جميعا ، أحبكم في الله ، وأستسمح على الإطالة .
بسم الله الرحمان الرحيم
سؤال لزايو سيتي علاش منشرتوش وقائع الدورة الاستثنائية اديل جماعة أولاد ستوت اللي تنظمت نهار31 -12-2019 وقبلها الوقائع اديل دورة اكتوبر كاين شي جوايج كنا كنتمناو من زايو سيتي تهدر عليهم ويعرفهم الراي العام وشكرا.